أحبه واحچي أنه وياه .. جد جد
لأن مثله الگلب ما يوم .. جد جد
وعنده أيخبل ومملوح .. جد جد
ومن هالكد جمال البيه .. هل هل
الگمر ويه النجوم أبصوت .. هل هل
و اسئلكم على فد شيء .. هل هل
بشر من يحچ يطلع صوت .. بل بل
ونده اشفافه الورود الكون .. بل بل
گالولي چذب گلت انه .. بل بل
من رقة جماله الجسم .. كش كش
وحسنه الكل ملك والله .. كش كش
أبدلات العرس شفته انه .. كش كش
الوفه گام وبصبعه اعليه .. شر شر
هذا البس وفه اعله الناس .. شر شر
لأن يملك گلب ما بيه .. شر شر
وحلو طبعه أبد ما صار .. مر مر
الغزل يخجل أذامن يمه .. مر مر
أبو شعر الحرير وصدر .. مر مر
تعناله النده وبلمهد .. لا لا
ونوره للگمر ياعمي .. لا لا
واذا لا گتلي اگلك ألف .. لا لا
ولك شوفه عدل وارجوك .. صح صح
هو الكل غلط تلگيهه .. صح صح
چذب حسنه ابشر يا صاح .. صح صح
شاعر و القلم في وصفه .. حر حر
ثلج بالصيف وبكانون .. حر حر
حظنه من أحظنه لأن .. حر حر
واذا يمشي جدامه اتصيح .. دم دم
جميل و يستحق أنطيله .. دم دم
يكتل حسنه طلقه اتكول .. دم دم
ومن وسعة عيونه الماي .. رب رب
وخده من رحيق الورد .. رب رب
الحسن واحد لچن معلوم .. رب رب
الخلگ بيه اعتنه وبالطين .. صب صب
ورد تين وعنب ودور .. صب صب
رمح من الوفه ولطيب .. صب صب
ومن الله الجسم بالخير .. دب دب
ونبض گلبي من اشوفه ايصيح .. دب دب
لأن كلش حلو وبچفه .. دب دب
وحلو ايشيل الحلو صعبه القضيه
موضوع: شعر زنجيل 
