أنت أول ألحلوين متصدر ألكل
حتة ألمرارة ألبيك هم حلوة تكتل
_________________
تضحك علي أدريك بس حالة بية
أضحك وأصير وياك وأضحك علية
_________________
تدري آنة شتمنيت ساعة ألشفتك
كل جسمي شفة يصير وألزك بشفتك
_________________
يل ردت عني تروح روح بسلامة
بس عدنة راح يصير يوم ألقيامة
_________________
عالحشر تنشد ليش ماتدري يمتة
ألحشر عدنة يصير من تزعل أنتة
_________________
ضلمة وخطية ألناس تعثر بالدروب
بس أنت كلشي تشوف شي وجهك كلوب
_________________
لاتظن واحد يوم غيرك عشكتة
ولو يوم أحب أثنين هم أنتة وأنتة
_________________
مفتوحة بس متشوف غيرك عزيزين
ومغمضة وتحس بيك وتشوفك ألعين
_________________
وألحسن أحلف دوم ما بعد أجيكم
وأوصل لحرف ألنون وأرجع عليكم
_________________
لو فد سباق يصير ياهو أجمل ألناس
ونذب عليك تراب هم تاخذ ألكاس
_________________
إبكل حلو لولة تصير بس شحجي عنك
صارت أللولة ألبيك حتى أحلة منك
_________________
ألصايم يتاني ألعيد لهلالة ينطر
بس آني أصوم إعليك وبجيتك أفطر
_________________
رغم ألبعد ياصاح شخصك حضنتة
أحجي أوية روحي أليوم حسبالي أنتة
موضوع: دارميــــــــات (للشاعر عبد الحسين الحلفي) 
